痛心

早兩個月眼見香港所發生的一切攪到好心痛！

心痛的並不只是那大拿拿的669億，還有日漸極度無能被商家操控的政府，非常複雜及封閉的政制，永遠naïve及偏面的傳媒，緊張大師及士氣低落的警隊，和汚煙脹氣及暗淡無光的香港未來！

還好仲見到那少撮有理想、為改革的年輕人及有心人，出來苦行，感動人心！可惜慘被奸人冠以「80後」的扁義稱呼，若果這班是統稱的大多數「80後」，佢哋就鬼啋你嘞！仲會同你攪咁多嘢？！回顧歷史，那個國家的演變、發展不是靠廿歲出頭的年輕人出來公眾大力推動？他們才會有那個passion，那鼓energy！當然背後係有較年長的政客帶領，若果唔係邊有資格同你入局玩那場假到出汁的投票遊戲！

記得在97回歸前後外遊，總被老外問到點睇香港未來，怕唔怕大陸政府？當時還在大部門エ作，可以怕啲セ？而且又無資格走路，咪只好答：「I think it would be fine. HK will be under “one country two system” for 50 years and I don’t think Mainland China would let us down, since we are kinda of a political stage in the world.」點知比老懵董攪到亂七八糟，之後又來個擦鞋鴨仔，但係阿媽鬼咁唔得閒，你就次次上嚟要呢樣要那樣！大佬呀，中國大陸有幾十個省，幾百個市，你有セ咁superior？仲要係你自己的system唔掂！用吓腦、自已唸吓計啦！所以啲人成日政治陰謀論話大陸暗中要香港セ、香港物，well，可能有啲嘢會係，但就更明顯睇到無vision、好fracture的香港政府！好多嘢其實係自己做成的！

高鉄呢單嘢，喚起更多的聲音，看著新聞片段，見到「80後」against「80後」：示威集會的被叫「80後」，那邊廂在前線的PTU又係「80後」，但角色就係一個強烈的對立！Well，我唔敢話示威人仕被操控或煽動而出嚟示威，但或多或少都有被感染，有位學者友人就稱被當日的苦行情景感動而加入了。而PTU就肯定因職務在身並無他選而要開工，他們有無被感染？相信有的，因為他們都係人，但又可以怎樣呢？…那年六四集會遊行，我不知幾激，年少無知好有火！到入咗大部門，正正守著這片小島，什麽遊行集會、大時大節都要做，所以好怕人多擠迫的地方！有次遊行集會開工，一個好激嘅女大學生指著我罵：「你都係後生女，咁你都唔支持我哋？」我望住佢見到年少的自己。

學者友人聽後我的經歷而唔出嚟最近嘅示威集會，認為係好traumatic。well，除非trauma對於他來說係有個我唔知嘅definition，否則我並非覺得我以往在遊行集會的經歷在心理上有做成任何「創傷後精神緊張性障礙」或其他。只不過在人生中經歷過太多，做過太多cases，好明白所有事情不能在什麽報告、報張、文章、電視、或他人口中去睇清事實的真相，就算有多客觀或多角度都並非全部！Witness consciousness在人生中覺悟，而並不需要有attachment。既非局內人，知啲唔知啲，又無力追隨，何用上街支持？我並無此需要。但這並非代表我唔在意事件或唔關心時事，但我更知道自己的心意吧了！

At least，我知我心痛。