烈女天使

人愈大，愈會…感觸良多？長氣唚氣？滑晒錏？定係…睇通睇透？一語道破？瞻生毛？

一直被人認為是烈女，但今年情人節被個年輕的女子這樣形容：「嘩！你好似天使，有把天使嘅美妙聲音。」別誤會，我並無在那女子面前唱歌，更何況我根本唔鍾意/唔識唱歌，雖然中學年代有唱過Choir，但那又如何？現在不愛就不愛。我只不過用温柔且甜美的聲線對她說了聲：「情人節快樂！」估唔到感動了她。她續說道：「你仲有一顆善良的心呢！」我只能用微笑作回應。

一個從不相信自己雙眼所看見的或雙耳所聽見的事物的人，往往要作一定程度的了解而去相信。可能經歷太多是非人和事，還有遇過太多不專業的傳媒，所以若想要相信，情願自己花點功夫、精神去了解！若不去了解，就一笑置知。更何況是一個不懂得後侮的人，遇到什麽的事情，即時反醒，雖然有時反醒的時間較長，但反醒過後就繼續向前。”I don't regret on what I have done. I only regret on what I haven't do!”而且更不介意別人怎樣看我，與我接觸咁多人，我理得咁多！正如Ingrid Bergman話：「I have no regrets. I wouldn't have lived my life the way I did if I was going to worry what people were going to say.」

N年前有個烈酒廣告，女主角用把姣姣地嘅聲去形容個男人：「似海喎，佢話佢。潮漲又好，潮退又好，始終都唔會係一潭死水。」好似，真係好似！好似講緊我…始終，屬於海嘅人，喜愛揚帆出海，在風浪中博鬥；而且，還深愛烈酒！

曾經有個〝老死〞用心良苦的同我講：「你嘅經歷同一般人好唔同，不如寫本小說吖！」當時想：寫report我就識，寫小說？哈哈哈！唔好笑死人啦！但那句說話不斷在我耳裏有迴响，腦裏不斷浮現一頁頁的故事，很快地故事發展到第一百零八頁，但從未有動筆寫過！

寫這個〝博客〞是用來試筆，再鋪上FB吸引讀者，看看反應。但〝博客〞內的追蹤者到目前為止只得五個…所以决定這是最後一篇鋪上FB的，以後再有寫作就不用FB作宣傳了。到底要儲夠多少個追蹤者才會動筆寫〝小說博客〞？唔…心裏有數、心裏有個「數」。

你，會追蹤我嗎？