星期日檔案 (港女)

香港地愈來愈多"潮語"，你慢啲都跟唔到年青人講乜！「港女」這詞出現了很久，我最初唔明，友人A先生解釋：「上次同你和C小姐食嘢之後，C小姐拍吓欏柚就行，你仲傻吓、傻吓，攞錢比我，C小姐咪係典型的港女。」噢，食嘢唔比錢就係「港女」！我心諗…

之後慢慢在日常生活中的媒體、雜誌，得知原來「港女」含意範圍好大，好似所有唔好嘢都放落這詞，代表香港女仔好唔得。我最初諗，發生乜事呀？點解香港女仔會比男仕label咗？但我再細心回想及留意身邊的女仕們，香港女仔真係有好多惡行就連我本身係香港女性，都睇唔過眼，怎至乎我與其他男仕一樣係受害者！

遲到係香港女性的No.1惡習，我在N年前約了個女性友人在九龍公園泳池門口等，等咗大半個鐘未見人，致電找她，佢話嚟緊好快到！我再等咗大半個鐘，再致電，她咦咦哦哦，我聽出她背景聲是室內，仲有佢阿媽講嘢！佢跟本未出門口！我好嬲，即時入場狂游，遊到我嚅晒氣。我第一次游水游到出晒汗，汗水、淚水、泳池水三合一！

去年還在職，有個舊女junior返來找我食飯，埋單時佢完全無動作，我比咗錢之後，她一句“多謝”都無！這兩個只係「港女」惡行的其中兩點，我想：一是紀律，一是態度，而最重要是價值觀問題。

剛剛看完「星期日檔案」，那些「港女」口口聲聲話自己所做的一切是為了身邊的男人。哈！竟然不為自己的行為負責任，還推比男人！「港女」的自我價值就放在別人的眼裹，而並不是在自身裹。她們看來好無自信，就算化多靚的妝，穿多靚的衫，身裁有多玲瓏，她們的自我價值就交予別人，重心並不放在自己，好愚蠢！

旁白最後竟用了我最早一篇Note內的差不多的一句：「男女關係，在乎坦承的溝通及互相尊重。」

下星期該檔案會談「港男」，我真的拭目以待！