舊同学聚会，話我有年經常遲到走堂，我答為的都是跳舞...十八歲那年，一星期七日跳足，因為中途出家所以要比其他人更努力。学生哥無錢，有个俠羲同学仔叫馮志偉，見我對跳舞咁有熱誠，借錢支持。到現在都唔記得有無將錢還清。
啓蒙老師係CCDC嘅Madina Lau，教我現代舞。Madina問我點解跳咁多堂，我答：因為鍾意！Madina提議：不如考APA啦！就係咁目標定了。Madina替我編舞、排舞、揀音樂(regret 的是：我唔記得歌名，無留copy，只記得個melody)。仲要我学跳ballet，成廿歲人先嚟跳ballet！跟Madina的老師吳灀霞老師学ballet，她是北京芭蕾舞蹈團第一代舞者，個人本身好優雅，我好喜歡上她的堂，老北京總喊着：小常、小常，過來跳、跳、跳...学咗ballet令我的舞底打厚了。
有兩个咁有份量的舞者教導，我在短短數个月的密集訓練下，成功考入APA。但亦係因為咁而令我離開跳舞生涯...我老媽好唔鍾意，覺得跳舞無前途，会学壞。就算老豆話供我讀，老媽强硬的一句：若果你要跳舞，就同我段絕母女關係！...之後我就一直走她喜歡我走的路，供養屋企...
時至今曰，形勢有變，我亦老了，雖知唔能夠跳番professional，但其實我四支發達，頭腦簡單，感情豐富，跳舞令我情感發放，就好似我所做的所有運動一樣，令我感覺良好！今曰唔知聽曰事，依家仲唔做，唔知聽曰仲有無命做。
我再跳因為我鍾意！
Madina Lau 都教我 contemporary 教左5年 !!!! 你好，我叫 Thomas. 唔知你識既 Ms Lau 係咪黑黑地curly hair 識講廣東話O個位 ??????!?!?!!
回覆刪除好高興！
回覆刪除原來我的Blog除了認識的友人外，還有其他人睇的。
相信Madina的名字咁特別，都別無他人。她的中文名是劉玉芬！長長的曲髮，大大的眼睛，經常教我跳舞時要望好遠、好遠！當時真的不太明在studio內有幾遠可望？但她真隨着身體望着很遙遠的地方。
Thomas，多謝你閱讀我的Blog！還有跳舞嗎？
我很感動
回覆刪除一定要把這份感覺寫低，但不落blog...
想不到只跳回一星期的我夠擔死去參加遴選！原來我心口的“勇”字從未有消失過！今曰(2009-1-18)在studio時好感動、眼紅紅的。得失唔重要，因為我已經做咗。
2009年一開始就咁amazing，我期待着繼續的每一個驚喜！高興認識返出嚟跳的第一個朋友，亦係09年的第一個新朋友—曉蕾。